- 85 -

1307, August 18. Neisse.

Der Archidiakon von Glogau und Domherr Arnold zu Breslau erkennt auf Grund eines früheren schiedsrichterlichen Spruches dem Kloster einen Zehnten in Schönheide zu.

(I)n nomine domini amen. Cum coram nobis magistro Arnoldo archidyacono Glogoviensi et canonico Wratizlaviensi audytore causarum et iudice curie venerabilis in Christo patris domini Henrici dei gracia episcopi Wrat. frater Nicolaus subprior, procurator et sindicus abbatis et fratrum monasterii de Camenez, plebanum de Schonheyde super decima de tribus mansis cum dimidio sitis ibidem in Schonheyde, traxisset in causam, idem procurator de iamdicto plebano proposuit conquerendo, quod iam dictam decimam de tribus mansis cum dimidio ad monasterium in Camencz pertinentem et dudum ipsi monasterio sententialiter adiudicatam, prefatus plebanus contra deum et iustitiam occuparet. Predictus vero plebanus animo contestandi litem respondit, quod prenominata decima de tribus mansis cum dimidio non ad monasterium, sed suam ecclesiam pertineret, propter quod frater Nicolaus procurator monasterii supradicti instrumentum quoddam quondam magistri Petri Lapidis canonici et officialis Wrat., sigillatum cum pendenti sigillo eiusdem quondam officialis non cancellatum, non abolitum neque rasum nec in parte sui aliqua viciatum ad probandam suam intentionem produxit irr iudicio coram nobis. Cuius quidem instrumenti de verbo ad verbum tenor est iste: - No. LXIV. - Producto itaque huiusmodi instrumento per fratrem Nicolaum predictum, memoratus plebanus pro se quedam alia duo instrumenta produxit, que falsa manifestissime apparebant eaque exigente iustitia iudicavimus esse falsa, que tamen, si vera et non falsa fuissent, prefato plebano ad suam causam non poterant suffragari, eo quod pretextu instrumentorum de novo repertorum secundum canonicas sanctiones lites instaurari non debeant nec sententia lata legittime retractari. Visis itaque probationibus productis habitoque sapientum co(n)silio super illis et demum Christi nomine invocato, pronuntiamus sententialiter in hiis scriptis, quod predicta decima de tribus mansis et dimidio in predicta villa Schonheyde, quam prefatus plebanus ibidem occupare nitebatur ad sepedictum monasterium in Camencz debeat pertinere, ipsi plebano de Heyda super eadem decima et iure percipiendi eandem perpetuum silentium inponentes. In cuius rei testimonium presentes litteras sigillo venerabilis in Christo patris domini nostri, Henrici dei gracia episcopi Wrat. duximus roborandas. Datum et actum Nyze in curia episcopali XV. Kalendas Septembris anno domini M°.CCC°. septimo, presentibus dominis: Andrea de Wisenburch canonico Wrat., magistro Johanne notario prefati domini nostri Wrat. episcopi, Gerlaco eiusdem domini nostri episcopi capellano, Nicolao venerabilis domini Pauli episcopi Tyberiadensis notario, Symone Henrici nepotis domini Walteri, scolastici Wrat. et aliis multis.

Or. Perg. Mit dem von der Urk. losgerissenen S. (mit Rücksiegel: Johannes, Adler) des Bischofs an einem Pergamentstreifen. Vgl. No. LXXXIII.
In dorso: Domini Heinrici episcopi super decima trium mansorum et dimidii in Heyda, von gleichzeitiger oder wenig jüngerer Hand.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.